Fréttir eftir árum | Hjólum í skólann

Beint á efnisyfirlit síðunnar

01.10.2013

Lífshlaup framhaldsskólanna hefst 3. október

Lífshlaup framhaldsskólanna verður haldið í annað sinn dagana 3.-16. október. Lífshlaupið er kjörið verkefni til að hvetja nemendur og starfsfólk til að auka sína hreyfingu í frístundum og við val á ferðamáta. Skráning og nánari upplýsingar eru að finna........

01.10.2013

Myndaleikur - úrslit

Flensborgarskóli bar sigur úr bítum í myndaleik Hjólum í skólann. Við verðlaunaafhendinguna afhenti Héðinn Svarfdal Björnsson, verkefnisstjóri hjá Embætti landlæknis, fulltrúum Flensborgarskóla sigurlaunin.

01.10.2013

Myndir inn á Facebook

Inn á fésbókarsíðu Hjólum í skólann eru myndir frá verðlaunaafhendingunni.

27.09.2013

Úrslit Hjólum í skólann 2013

Hjólum í skólann, þar sem nemendur og starfsmenn framhaldsskólanna kepptust um að nýta sem oftast virkan ferðamáta til og frá skóla, er nú lokið. Alls tóku 17 framhaldsskólar þátt, um 50% allra framhaldsskóla, með 2.357 þátttakendur. Alls voru hjólaðir 13.472 km eða 10,06 hringir í kringum Ísland. Við það sparðist rúmlega 2.000 kg af útblæstri CO2, tæplega 1.200 lítrar af bensíni og tæplega 300.000 kr. í bensínkostnað. Vinsælasti samgöngumátinn var strætó þar sem gengið var til og frá stoppistöð...

25.09.2013

Staðfest úrslit 2013

Hér á vefnum undir "Úrslit 2013" eru nú staðfest úrslit Hjólum í skólann 2013. Verðlaunaafhending Hjólum í skólann verður föstudaginn 27. september frá 12:10 – 13:00 í Íþróttamiðstöðinni í Laugardal, E-sal 3. hæð. Veitt eru verðlaun fyrir flesta þátttökudaga hlutfallslega miða við heildar fjölda nemenda og starfsmanna í skólanum og fá .......

25.09.2013

Skráningu lokið

Skráningu í Hjólum í skólann er nú lokið. Staðfest úrslit verða birt á vefnum eftir kl. 14:00 í dag.

24.09.2013

Skráningu lýkur á morgun

Skráningu ferða í Hjólum í skólann lýkur á morgun, miðvikudaginn 25. september kl. 12:00. Eftir þann tíma verður ekki hægt að skrá neitt inn og ekki verður gerð undantekning á því. Verðlaunaafhending Hjólum í skólann verður svo frá 12:10 - 13:00 föstudaginn 27. september í E-sal, 3. hæð í Íþróttamiðstöðinni í Laugardal. Veittar eru viðurkenningar fyrir þrjú efstu sætin í hverjum flokki. Boðið verður upp á léttar veitingar.

20.09.2013

Síðasti keppnisdagur í dag

Í dag 20. september er síðasti keppnisdagur í Hjólum í skólann þetta árið. Hægt verður að skrá inn sínar ferðir/daga til kl. 12:00 miðvikudaginn 25. september. Staðfest úrslit verða svo birt á vefnum kl. 14:00 sama dag. Veittar eru viðurkenningar til þriggja efstu skólanna í hverjum stærðarflokki fyrir hlutfall þátttökudaga miða við heildarfjölda nemenda og starfsmanna í viðkomandi skóla. Verðlaunaafhending verður svo í hádeginu föstudaginn 27. september.

19.09.2013

Kostir virkra samgöngumáta

Kostir hjólreiða, sem og annarra virkra samgöngumáta eru margir. Hagkvæmt: Samkvæmt vefsíðu FÍB er rekstarkostnaður smábíls á bilinu 1,2 - 1,4 milljónir á ári. Fyrir þá upphæð er hægt að kaupa sér árskort í strætó, taka leigubíl 80 sinnum, leigt skyndibíl í 60 daga í miðri viku og 10 helgar yfir árið, en samt er það allt saman enn ódýrara en að eiga smábíl. Heilsusamlegt: Samkvæmt ráðleggingum Embætti landlæknis um hreyfingu er mælt með því að allir hreyfi sig í a.m.k. 30 mínútur....

19.09.2013

Mikilvægar dagsetningar

Á morgun er síðasti keppnisdagur í Hjólum í skólann. Hægt verður að skrá inn sínar ferðir til kl. 12:00 miðvikudaginn 25. september. Framhaldsskólar geta ennþá skráð sig til leiks og einnig er hægt að bæta við liðsmönnum þar til skráningu lýkur. Verðlaunaafhending Hjólum í skólann verður í hádeginu föstudaginn 27. september í E-sal á 3. hæð í Íþróttamiðstöðinni í Laugardal.

16.09.2013

Hjólum í skólann hafið

Hjólum í skólann hófst í dag mánudaginn 16. september og stendur til föstudagsins 20. september. Nú eru alls 13 skólar skráðir til leiks en það eru um 40% af öllum framhaldsskólum landins. Við hvetjum þátttakendur til að kynna sér vel reglur Hjólum í skólann og bendum einnig á kynningarefnið sem ...

13.09.2013

Myndaleikur Hjólum í skólann

Taktu þátt í myndaleik Hjólum í skólann – skólinn þinn gæti unnið 50.000 kr. til að nýta til hjólaframkvæmda. Taktu skemmtilega mynd í tengslum við Hjólum í skólann og Sendu hana inn í gegnum Facebook síðu Hjólum í skólann eða á netfangið kristin@isi.is. Myndin birtist svo í möppunni „Myndaleikur 2013“ á Facebook síðu Hjólum í skólann. Að loknu átaki velur dómnefnd bestu myndina, en einnig verður tekið tillit til þess hversu mörg „like“ myndin fær á Facebook. Til þess að myndin verði gjaldgeng í myndaleikinn þurfa eftirfarandi upplýsingar að fylgja: Nafn framhaldsskóla, nafn þess sem sendir og stutt lýsing um myndina. Skila þarf myndinni inn í síðasta lagi kl. 13:00 mánudaginn 23. september.

13.09.2013

Hjólum í skólann hefst á mánudaginn

Hvatningarátakið Hjólum í skólann - framhaldsskólakeppni hefst í fyrsta sinn mánudaginn 16. september og stendur til föstudagsins 20. september. Nemendur og starfsmenn framhaldsskólanna eru hvattir til þess að nýta virkan ferðamáta sem oftast á þessu tímabili, en með virkum ferðamáta er átt við að hjóla, ganga, hlaupa, fara á hjólbretti eða taka strætó. Markmið átaksins er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta meðal nemenda og starfsmanna framhaldsskólann. Margt skemmtilegt verður í gangi í framhaldsskólum landsins í næstu viku og hvetjum við alla til þess að senda okkur skemmtilegar frásagnir um þátttöku ykkar skóla í hér.

09.09.2013

Skráning í Hjólum í skólann

Þegar framhaldsskóli er skráður til leiks er byrjað á því að fara í "nýskráningu". Næsta skref er að sá sem skráir skólann þarf að stofna sjálfan sig sem notandi og því næst er framhaldsskólinn skráður sem og lið/liðin sem taka þátt. Nokkrar leiðir eru í boði fyrir næstu skref, en leitast var við því að hafa þær sem fjölbreyttastar svo allir skólar gætu farið þá leið sem þeim finnst þægilegust: 1. Allir í sama liðinu og nemendur og starfsmenn skrá sig sjálfir: Stofna framhaldsskólann - skrá eitt lið - hvetja nemendur og starfsmenn til þess að skrá sig sjálfir inn á vefinn og ganga í liðið. Auðveldast er að stofna sér aðgang með facebook innskráningu en einnig er hægt að fara í nýskráningu í gegnum vefinn....

05.09.2013

Kynningarefni fyrir skóla

Útbúnar hafa verið 8 kynningarslæður (slides) fyrir Hjólum í skólann, en þær má nálgast hér. Ef smellt er á hverja slæðu fyrir sig birtist hún sem stór mynd, þá er hægt að hægri smella á myndina og velja "Vista sem" og þá vistast myndin sem .jpg skrá á tölvuna. Við hvetjum alla skóla til að sækja þessar slæður og nýta til að kynna verkefnið innan skólans, það er t.d. hægt að setja slæðurnar á tilkynningaskjái eða senda út í tölvupósti á alla nemendur og starfsmenn.

29.08.2013

Skráning hafin í Hjólum í skólann

Opnað hefur verið fyrir skráningu framhaldsskóla í Hjólum í skólann, en átakið hefst formlega mánudaginn 16. september og stendur til föstudagsins 20. september. Um leið og skóli hefur verið skráður til leiks er hægt að byrja að skrá liðsmenn í liðin, en ekki verður hægt að skrá inn ferðir fyrr en daginn sem átakið hefst. Við hvetjum alla til þess að kynna sér vel skráningarleibeiningar sem finna má undir "Gott að vita" hér á vefnum.

29.08.2013

Aðstoð við skráningu

Opnað verður fyrir skráningu í Hjólum í skólann fimmtudaginn 29. ágúst næst komandi. Hægt er að nálgast ítarlegar leiðbeiningar um skráningu hér á vefnum undir "Gott að vita" - "Skráningarleiðbeiningar". Einnig er hægt að hafa samband á netfangið kristin@isi.is eða í síma 514-4000.

28.08.2013

Myndaleikur Hjólum í skólann

Taktu þátt í myndaleik Hjólum í skólann – skólinn þinn gæti unnið 50.000 kr. til að nýta til hjólaframkvæmda. Taktu skemmtilega mynd í tengslum við Hjólum í skólann og sendu hana inn í gegnum Facebook síðu Hjólum í skólann eða á netfangið kristin@isi.is. Myndin birtist svo í möppunni „Myndaleikur 2013“ á Facebook síðu Hjólum í skólann.Að loknu átaki velur dómnefnd bestu myndina, en einnig verður tekið tillit til þess hversu mörg „like“ myndin fær á Facebook. Til þess að myndin verði gjaldgeng í myndaleikinn þurfa eftirfarandi upplýsingar að fylgja: Nafn framhaldsskóla, nafn þess sem sendir og stutt lýsing um myndina. Skila þarf myndinni inn í síðasta lagi kl. 13:00 mánudaginn 23. september.

19.08.2013

Hjólafærni og Dr. BÆK

Tíu fyrstu framhaldsskólarnir sem skrá sig til leiks í Hjólum í skólann 2013 fá frían fyrirlestur um samgönguhjólreiðar eða heimsókn frá Dr. BÆK í tengslum við keppnina. Ef þinn skóli er ekki einn af 10 fyrstu skólunum til að skrá sig er samt hægt að fá slíka þjónustu frá Hjólafærni á Íslandi. Fyrirlesturinn kostar 22.000 kr. en nánari upplýsingar má fá á netfaingu hjolafaerni@hjolafaerni.is eða í síma 864-2776.

19.08.2013

Hjólum í skólann - framhaldsskólakeppni

Hjólum í skólann - framhaldsskólakeppni fer fram í fyrsta skipti dagana 16. - 20. september 2013 í tengslum við Evrópsku samgönguvikuna. Markmiðið er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta meðal framhaldsskólanema og starfsfólks. Opnað verður fyrir skráningu á skólum miðvikudaginn 28. ágúst.

Fréttasafn

Fréttasafn

2023

2022

2021

Ágúst, September.

2020

Ágúst, Desember.

2017

Ágúst, September, Október.

2016

2015

Ágúst, September.

2014

Júní, Ágúst, September.

2013

Ágúst, September, Október.